Situada xa como a segunda feira do sector a nivel nacional, EXPOBUS IBERIA será un ano máis un excepcional escaparate das tendencias, novidades e innovacións no ámbito do transporte de viaxeiros por estrada. Así, converterase novamente nun evento imprescindible para os profesionais do autobús e o autocar. 

Este punto de encontro dará cabida, a través do seu espazo expositivo e do seu amplo e variado programa de actividades, a todas as modalidades de transporte: regular e discrecional, urbano e interurbano, xeral e especial… 

Constituirá ademais un valioso termómetro dos numerosos cambios que se prevén para o sector nos próximos anos e unha plataforma única para xerar negocio e intercambiar coñecementos e experiencias.